साझा न्यूज । संवाददाता
तौलिहवा, साउन २२ गते । कपिलबस्तु नगरपालिका भित्र रहेका कुनै पनि सामुदायिक विद्यालयहरुले विद्यार्थी र अभिभावकहरुबाट शुल्क लिन नपाउने भएको छन् । नगरपालिका अन्र्तगतका सामुदायिक विद्यालयहरुमा निशुल्क शिक्षा अनिवार्य गर्न नगरपालिकाको नगरकार्यपालिकाको जेठ १७ को बैठकबाट निर्णय गरेको नगर प्रमुख सुदीप पौडेलले साझा नयूजलाई बताउनुभयो । उहाँले भन्नुभयो “विद्यालय सञ्चालन व्यवस्थापनको लागि नगरपालिकाबाट अनुदान निकासा हुने भएकोले कुनै पनि बहानामा शुल्क नपाइने बताउनुभयो ।”
नगरपालिाका भित्र रहेका कुनै पनि सामुदायिक विद्यालयले कुनै बहानामा विद्यार्थी तथा अभिभावकबाट शुल्क लिएको पाइएमा सम्पूर्ण अनुदान रकमको निकासा रोक्का गर्ने प्रमुख प्रशासकिय अधिकृत शेषकान्त पौडेलले बताउनुभयो ।
कपिलबस्तु नगरपालिकाको विद्यार्थी र अभिभावकसंग कुनै पनि बहानामा शुल्क नलिने निर्णय सरहनिय रहेको अधिकारकर्मी रवि ठाकुरले बताउनुभयो ।
सामुदायिक विद्यालयले शुल्क लिए अनुदान रोक्का हुने
