सञ्चारकर्मी महावीर विश्वकर्माको सवारी दुर्घटनामा निधन भएको छ । आज बिहान चितवनमा सवारी दुर्घटना हुँदा उनको मृत्यु भएको हो ।
पूर्वी चितवनको राप्तीबाट काठमाडौं आउँदै गरेको माइक्रोबस ट्रकमा ठोक्किएर उनको निधन भएको जिल्ला प्रहरी कार्यालय चितवनले जानकारी दिएकाे छ ।बा४ख ४१२ नम्बरको माइक्रोबस रोकिराखेको ना२ख ८५२२ नम्बरको पराल लोड भएको ट्रकमा बिहान ५ः३० बजे ठोक्किएको हो ।
उनको रेडियो कार्यक्रम बहकिने मन युवा पुस्तामा लोकप्रिय थियो । ३५ वर्षीय विश्वकर्मा सञ्चारकर्मीसँगै वैज्ञानिक समाजवादी कम्युनिष्ट पार्टीका केन्द्रीय सदस्य एवं जनवर्गीय सङ्गठन जात व्यवस्था उन्मूलन मोर्चाका संयोजक थिए ।दुर्घटनामा परी अन्य पाँच जना घाइते भएका छन् । घाइतेको भरतपुरका विभिन्न अस्पतालमा उपचार भइरहेको छ ।
















































