शिक्षा, स्वास्थ्य र रोजगारमा प्राथमिकता दिन यौनिक तथा लैगिंक अल्पसंख्यक समुदायले तिनै तहका सरकारसँग माग गरेका छन्। संविधानमा आफूहरूलाई अधिकार दिइए पनि त्यसको कार्यान्वयन अझै सम्म नभएको उनीहरूको गुनासो छ।
इन्द्रेणी ग्रामीण विकास केन्द्रको सहयोगमा नव जीवन संस्थालेको तौलिहवामा राखेको यौनिक तथा लैगिंक अल्पसंख्यक सवाल तथा १३ साधारण सभा र सातौँ अधिवेशन कार्यक्रममा उनीहरूले विगतको तुलनामा आफुहरुलाइै केही सहज भए पनि अझै सम्मानपुवर्क बाच्न नपाएको बताए। उनीहरूले पनि सम्मानपूर्वक बाच्न पाउनु पर्ने माग गरेका हुन। संविधानले आफूहरूको पहिचान र अधिकार स्थापित गरे पनि घर समाजले आफूहरूलाई अझै स्वीकार नगरेको भन्दै उनीहरूले गुनासो गरे। यौनिक तथा अल्पसङ्ख्या समुदायकी अगुवा आनिक राना मगरले संविधानमा आफूहरूलाई अधिकार दिइए पनि अझै त्यसको कार्यान्वयन नभएको बताईन।
उनले लुम्बिनी प्रदेश सरकारले विगत ५ वर्षमा ७३ वटा कानुन निर्माण गरे पनि आफ्नो समुदायकालागि भने अझै सम्म कुनै कानुन नबेको बताए । उनले शिक्षा स्वास्थ्य, रोजगारीमा आफ्नो समुदायलाई बिशेष प्राथमिकतामा राख्न् पर्ने माग गरिन । उनले थुनामा परेका यौनिक तथा लैगिंक अल्पसख्यकलाई कारागारमा राख्न छुट्टै व्यवस्था गर्नु पर्ने बताए । निल हिरा समाजका निर्देशक संजय शर्माले देशको मूल कानुनमा यौनिक तथा लैगिंक अल्पसंख्यक समुदायलाई अधिकार दिइए पनि विधेयकमा नसमेटिएको बताए । ‘ देशको मूल कानुमा हाम्रो अधिकार लेखिएको छ तर विधेयकमा छैन, अहिले सम्म कार्यान्वयनमा समेत आएको छैन ’ उनले भने । उनले शिक्षा स्वास्थ्य रोजगारीमा आफ्नो समुदायलाई आरक्षण दिनु पर्ने बताए । उनले नेपालका कबिर ६ लाखको संख्यामा रहेको यौनिक तथा लैगिंक अल्पसंख्यक समुदायलाई राज्यले नजर अन्दाज गर्न नहुने बताए । संस्थाकी कार्यक्रम संयोजक प्रेणना बिष्ठले आफूहरूले एक लेबलको फडको मारे पनि अझै धेरै समस्यामा रहेको बताईन। आफुहरु अझै बिभिन्न अधिकारबाट बंचित रहेको बताईन। सो अवसरमा लुम्बिनी प्रदेश सदस्य तथा काँग्रेस नेता सुधाकर पाण्डेयले आफुले यौनिक तथा लैगिंक अल्पसंख्यकको सवालमा बोल्ने बताए ।
उनले ती पछि परको समुदायको हक अधिकार स्थापित गराउन आफुले सदनमा कुरा उठाउने बताए। ‘ यौनिक तथा लैगिंक अल्पसंख्यको सवालमा सदनमा कुरा उठाउने छु ’ उनले भने। सो अवसरमा यौनिक तथा लैंङगिक अल्पसंख्य समुदायको हक अधिकार स्थापित गराउन भुमिका खेलेको भन्दै ६ जनालाई दोसल्ला र कदर पत्रले सम्मानित गरिएको थियो। कार्यक्रममा कपिलवस्तु नगरपालिका वडा नम्बर ३ का अध्यक्ष प्रकाश गैरे, कपिलवस्तु अस्पतालका डाक्टर गणेश क्षेत्री, कपिलवस्तु नगरपालिकाका सामाजिक विकास अधिकृत पदमराज श्रेष्ठ, अधिकारर्की माया ज्ञवाली, राम दयाल ठाकुर लगायतले मन्तब्य दिएका थिए।
