पाइलटनै नहुँदा नेपाल एयरलाइन्सको काठमाडौँदेखि दुबईको उडान शनिबार ११ घण्टा डिले भएको छ। उडानमा तोकिएका पाइलट बिरामी परेपछि शनिबार राति १२ बजेट उड्नु पर्ने नेपाल वायू सेवा निगमको आर ए२२९ उडान नम्बरको विमान डिले भएको हो। बिमानस्थल स्रोतका अनुसार आइतबार बिहान करिब ११ बजे उक्त विमानको ‘डोर क्लोज’ गरी दुबई उड्ने क्रममा छ। तोकिएका पाइलटले बिरामी भएको रिर्पोटिङ समेत गरिएको भएपनि विकल्पमा अर्को पाइलट उपलब्ध नभएपछि ११ घण्टाडिले हुन पुगेको बताइएको छ। वाइडबडी यो विमानबाट २६६ जना यात्रुले दुबई उड्न बोर्डिङ पास लिएका थिए। उनीहरूलाई राति विभिन्न होटेलमा राखी बिहान विमानस्थल पुर्याइएको विमानस्थल स्रोतले बताएको छ।
पाइलट नहुँदा निगमको दुबई उडान ११ घण्टा डिले, यात्रु अलपत्र
