पाल्पा, वैशाख ३१ गते । पाल्पामा माछा मार्ने क्रममा खोलामा डुबेर एक जना युवक वेपत्ता भएका छन् । तिनाउ गाउँपालिकास्थित आरखोदीको दोभान खोलामा माछा मार्ने क्रममा नदीमा डुबेर तिनाउ–१ कचलका ३२ वर्षीय भुपाल सुनारी वेपत्ता भएको जिल्ला प्रहरी कार्यालय पाल्पाले जनाएको हो ।
वेपत्ता भएका सुनारीसँगै माछा मार्न गएका २२ वर्षीय रुद्र खत्री र २४ वर्षीय राजन पुनले दिएको सूचना अनुसार बेपत्ताको खोजी कार्य भइरहेको प्रहरीले जनाएको छ ।
सुनारीले लगाएको कपडा र चप्पल खोला किनारमा फेला परेको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिनुभयो । शनिबार बेलुकी ४ बजेतिर सुनारी वेपत्ता भएका हुन् ।
