कपिलवस्तु, १० जेठ
बुद्धभूमी नगरपालिका–१० मथुरापुर झलवामा आगलागी हुदा ३ घर जलेर नष्ट भएको छ । स्थानीय ६५ वर्षीय झगही केवटको घरमा विद्युत सर्ट भई मंगलबार राति आगलागी भएको हो ।
आगो फैलिएर केवटसहित ३ जनाको घरमासमेत आगलागी हुँदा तीनै जनाको घर, लत्ताकपडा, काठपात र अन्नपात लगायतका सामान गरी करिब ६ लाख ७० हजार रूपैयाँ बराबरको धनमाल जलेर नष्ट भएको प्रहरीले जनाएको छ । प्रहरीले स्थानीय बासिन्दाको सहयोगमा आगलागी नियन्त्रणमा लिनुको साथै यस सम्बन्धमा थप अनुसन्धान गरिरहेको छ ।
