कपिलवस्तु ११ जेठ
कपिलवस्तुको तौलिहवामा बालश्रम निवावरणका लागि स्थानीय तहको भुमिका बिषयक प्रशिक्षण गोष्ठी संपन्न गरिएको छ । स्वतन्त्र अभियानको सहयोगमा दलित मानव अधिकार निग्रानी समितिको आयोजनामा गरिएको गोष्ठीमा कपिलवस्तु नगरपालिकाले बालश्रम निवारणका लागि कार्य योजना समेत निर्माण गर्ने जनाएको छ ।
जस अनुसार आगामी असोज भित्र नगर भित्र रहेको बाल श्रमिकहरुको सर्वेक्षण गर्ने, बालश्रममा काम गर्ने संसथाहरुको सु्ची तयार गर्ने, बालश्रमण निवारण नीति बनाउने बाल अधिकार समिति गठन गर्ने, र त्यस सम्बन्धी निर्देशिका समेत बनाउने गरी कार्ययोजना समेत बनाइएको छ ।
सो अवसरमा कपिलवस्तु नगरपालिकाका प्रमुख प्रशाकीय अधिकृत गणेश प्रसाद अर्यालले नगरपालिकाले बाल श्रम न्युनीकरणकालागि तथ्यांक संकलनको काम गरेको बताए । उनले ईटा उद्योग, होटल, ग्यारेज, भैसी चराउने लगायतका काममा अझै पनि थुप्रै बालबालिकाहरु बालश्रममा रहेको बताए । उनले बालश्रमलाई निर्मूल गर्न सबैको साझा प्रयास आवश्यक रहेको बताए ।
सो अवसरमा कपिलवस्तु नगरपालिका वडा नम्बर ३ का अध्यक्ष प्रकाश गैरेले बालश्रम निवारणका लागि सबैको ठोस पहल आवश्यक रहेको बताए । उनले बालश्रम सम्बन्धी नगरले नीति समेत बनाएर अघि बढनु पर्ने बताए । सो अवसरमा कार्यक्रम संयोजक प्रतिक्षा केसीले बालश्रमका बिषयमा प्रस्तुतीकरण गरेकी थिईन ।
मीनाको परियारको संचालनमा भएको कार्यक्रममा समाजसेबी गीता अंजान, दलित सामाजिक विकास संस्थाका कार्यकारी निर्देशक रामशरण रैदास लगायतले बालश्रम निवारणका लागि सबै प्रतिबद्ध हुनु पर्नेमा जोड दिए । कार्यक्रममा नगरपालिका वडा नम्बर ५ का वडाअध्यक्ष दिरेप चौधरी,६ का रामजीत कुर्मी, ९ का अध्यक्ष दिपक गुरुङ, ११ का अध्यक्ष राम गोपाल यादव, वडा नम्बर १२ का अध्यक्ष ईनसान अली धुनिया लगायतको सहभागीता थियो ।
कार्यक्रममा जिल्ला खेलकुद विकास समिति, माहुरी होम र कर्मचारी मिलन केन्द्रले समेत सहयोग गर्ने जनाएको छ ।
बालश्रम निवावरणका लागि स्थानीय तहको भुमिका बिषयक प्रशिक्षण गोष्ठी
