काठमाडौं, असार २७ गते । नेपाल एथलेटिक्स सङ्घका अध्यक्ष राजीव विक्रम शाह एसियन एथलेटिक्स एसोसिएसनको सदस्यमा निर्वाचित हुनुभएको छ । थाइल्याण्डको बैंककमा भएको एसोसिएसनको साधारण सभाले शाहलाई सदस्य पदमा निर्वाचित गरेको हो ।
निर्वाचनमा शाहल सर्वाधिक ३४ मत पाउनुभएको थियो । कार्यसमितिमा आठ सदस्य पदका लागि भएको निर्वाचनमा १६ जनाबीच प्रतिस्पर्धा भएको थियो । जसमा शाहले पहिलो नम्बरमा जित्नुभयो । ४४ मत मध्ये तीन मत बदर भएको थियो ।
जाजरकोटबाट प्रदेश सभा सांसद समेत रहनुभएका शाह पहिलो पटक एसियन एरिनाको पदाधिकारीमा निर्वाचित हुनुभएको हो । एसोसियनसनको अध्यक्षमा कतारका दहलान जमन बी अल हमद निर्विरोध निर्वाचित हुनुभएको छ ।
यस्तै वरिष्ठ उपाध्यक्षमा थाइल्याण्डका सुरपोङ्ग अनियामोङ्गकोल, उपाध्यक्षहरूमा चीनका वाङ नाम, भारतका टिगर पान्गापुल तानजंग, कुवेतका सयर सालेह अलानेजी, पाकिस्तानका जनरल मुहम्मद अकरम साइ र उज्बेकिस्तानका एन्ड्री अब्दुवलियेव निर्विरोध निर्वाचित हुनुभयो । महिला सदस्यहरूमा युको अरिमोरी, फिलोमेना बैरोस र स्टेपनिशेवा तात्याना निर्विरोध निर्वाचित हुनुभयो ।
