झापाको कनकाई नगरपालिका –१ स्थित सिर्जना टोलमा बिहीवार दिउँसो ३ बजेको समयमा खाल्डोमा डुबेर २ बच्चाको मृत्युभएको छ ।
स्थानीय बिजय भुजेलकी ४ बर्षीय छोरी निशा भुजेल र अर्का प्रकाश जोगीका अढाइ बर्षीय छोरा अनमोल जोगीको भैसी आहाल बस्ने पानी जमेको खाल्डोमा डुबेर मृत्यु भएको हो ।
स्थानीय बाघे खोलाले बनाएको खाडलमा जमेको पानीमा खेल्नेक्रममा दुबै बच्चाको डुबेर मृत्यु भएको इलाका प्रहरी कार्यालय सुरुङ्गाका बरिष्ठ प्रहरी नायव निरीक्षक अशोक कोइरालाले बताउनुभयो ।
घरका अभिभावकहरु काम गर्न बाहिर गएको र बच्चाहरु खेल्नेक्रममा डुबेर मृत्यु भएको प्रहरीले जनाएको छ । बच्चा डुबेर मृत्यु भएको गाउँमा थोत्रा सामग्री संकलन गर्न हिडनेहरुले देखेर स्थानीयलाई खबर गरेका थिए । दुबै बच्चाको मृत्युपछि अहिले कनकाई नगरपालिका –१ स्थित सिर्जना टोल शोकमा डुबेको छ ।
