दाङ । दाङमा गोली प्रहारबाट एक जनाको हत्या भएको छ । घोराहीको दामोदर चोकमा डिउटीमा रहेका महिला प्रहरीको गोली हानेर हत्या गरिएको हो ।
वडा प्रहरी कार्यालय घोराहीमा कार्यरत महिला प्रहरी धनमाया थापाको गोली उनकै श्रीमान प्रहरी सहायक हवल्दार यमबहादुर झाक्रिले गोली हानेर हत्या गरेको जिल्ला प्रहरी कार्यालय दाङले जानकारी दिएको छ ।
घाइते धनमायाको घोराहीको राप्ती स्वास्थ्य बिज्ञान प्रतिष्ठानमा उपचारकोक्रममा निधन भएको हो । घटना सांझ करिब साढे ७ बजे भएको हो ।
गोली प्रहार गरेर भाग्दै गरेका यमबहादुरलाई लमही अर्जुन खोलाबाट पक्राउ गरेको प्रहरीले जानकारी दिएको छ । झाक्री नेपालगञ्जमा कार्यरत प्रहरी रहेको प्रहरीले बताएको छ ।
घरायासी समस्या रहेका कारण श्रीमतीमाथी श्रीमानले गोलि चलाएको प्रहरीको भनाई छ । गोलि चलाउने झाक्रिलाई प्रहरीले नियन्त्रणमा लिइ सकेको छ ।
