तौलिहवा (कपिलबस्तु), फागुन ११ गते । दुग्ध नविकेपछि कपिलबस्तुका कृषक चिन्तित बनेका छन् । व्यावसायीक रुपमा पशुपालन गर्दै आई रहेका कपिलबस्तुका किसानहरुको विगत ६ महिना देखि दुग्ध नविकेपछि चिन्तित बनेका हुन् ।
कृषकहरुले उत्पादन गरेका दुग्ध विगत छ महिना देखि नविकेपछि जिल्ला प्रशासन कार्यालय मार्फत विभिन्न निकायमा ज्ञापन पत्र समेत बुझाएका छन् । कृषकहरुले राखेको माग तत्काल सम्बोधन भएन भने कडा भन्दा कडा आन्दोलन गर्न बाध्य हुने ज्ञापन पत्रमा उल्लेख गरिएको छ ।
कृषकहरुले हाल दुग्ध संकलन बन्द रहेको (मिल्क होलिडे)ले तुरुन्त दुग्ध संकलन गर्नु पर्ने, दुग्ध विकास अ.संस्थान लुम्बिनी आयोजनाले तुरुन्तै दुग्ध खरीद गर्नुपर्ने, दुग्ध विकास संस्थान लगायत निजि डेरीले करिब ६ महिनादेखि भुक्तानी नदिएको दुग्धको रकम तुरुन्तै भुक्तानी दिनुपर्ने माग राखेका छन् ।
त्यस्तै जिल्ला भित्र सञ्चालित दुग्ध डेरीमा गैर नेपाली नागरिकको दुग्ध संकलन गरेको हुनाले तुरुन्तै सबै दुग्ध संकलन केन्द्रहरुमा अनुगमन गर्नुपर्ने, खुल्ला सिमानाले गर्दा चोरी निकासीबाट आएको पाउडर दुग्ध हरुको तुरुन्तै अनुगमन गरी कारवाही गर्नु पर्ने भारतबाट आयतित दुग्ध तथा दुग्ध जन्य पदार्थको आयात तुरुन्तै बन्द गर्नुपर्ने लगायतका माग रहेको छ ।
कृषकहरुले जिल्ला प्रशासन कार्यालय मार्फत कृषि मन्त्रालय तथा पशुपक्षिं विकास मन्त्रालय, कृषि तथा भूमि व्यवस्था मन्त्रालय लुम्बिनी प्रदेश, भेटेनरी अस्पताल तथा पशु सेवा विज्ञ केन्द्र, कपिलबस्तु, कृषि ज्ञान केन्द्र कपिलबस्तु र दुग्ध विकास संस्थान आयोजना, बुटवललाई ज्ञापन पत्र दिइएको छ ।
सो अवसरमा भुवानी प्रसाद पराजुलीको संयोजकत्वमा धर्मराज पौडेल, केशव पोखरेल, यमलाल पौडेल लगायतको टोलीद्वारा ज्ञापन पत्र बुझाइएको हो ।
किसानहरुको विगत ६ महिना देखि दुग्ध नविकेपछि चिन्तित
