कपिलवस्तु नगरपालिका दुईद्वारा ५२ बिपन्न परिवारलाई जस्तापाता

कपिलवस्तु १३ फागुन
नगरलाई नै फुसको छानोमुक्त बनाउने अभियान अन्तर्गत कपिलवस्तु नगरपालिका दुईले ५२ बिपन्न परिवारलाई रंगीन जस्तापाता बाडेको छ । वडा भित्र रहेको बिपन्न परिवारको पहिचान गरी उनीहरुलाई जस्तापाता बितरण गरिएको हो ।
वडाध्यक्ष अशोक कुमार गुप्ताले वडा कार्यालयमा बिपन्न परिवारलाई जस्तापाता हस्तान्तरण गरेका थिए । जस्तापाताका लागि सुचना जारी गरिएको थियो । आबेदन दिने बिपन्न परिवारको निरीक्षण र प्राबिधिक मुल्यांंकन पछि जस्तापाता उपलब्ध गराइएको वडाध्यक्ष गुप्ताले बताए ।
फुसको छानोेको घर भएकाहरुलाई मात्र जस्तापाता उपलब्ध गराइएको उनले बताए । अब आफ्नो वडा लगभग फुसको छानोमुक्त हुने तर्फ अग्रसर भएको उनले बताए । छुटपुट भएकाहरुलाई पछि जस्तापाता हस्तान्तरण गरिने उनले बताए ।
कपिलवस्तु नगरपालिकाका नगर प्रमुख सुदीप पौडेलले नगरलाई फुसको छानोमुक्त बनाउन बिपन्न परिवारलाई जस्तापाता बितरण अभियान जारी रहेको बताए । नगरलाई सुन्दर बनाउन र आगलागीबाट बचाउन यो अभियान चलाइएको बताए ।
कपिलवस्तु नगरपालिका ईन्जीनीयर राजेश कुमार सैनीले गत आर्थिक बर्षको झन्डै एक करोड बजेटबाट खरिद गरीएको जस्तापाता यो बर्ष बितरण गरिएको बताए । आबेदन दिएका बिपन्न परिवारको निरीक्षण पश्चात प्राबिधिकहरुले गरेको मूलयांकन आधारमा वडाले बितरण गर्नेछ । यो बर्ष अहिले सम्म नगरपालिकाको १२ वटा वडामा १ सय २७ परिवारलाई जस्तापाता बाडिएको छ ।