आठौं प्राचीन कपिलबस्तु महोत्सव आजदेखि, महोत्सवको उद्घाटन पूर्वमन्त्री आचार्यले गर्ने

साझा न्यूज । तौलिहवा
कपिलबस्तुको सदरमुकाम तौलिहवामा आजदेखि आठौ प्राचीन कपिलबस्तु महोत्सव हुने भएको छ । महोत्सवको उद्घाटन पुर्व मन्त्री एवम् कपिलबस्तु क्षेत्र नं. २ का संसद सुरेन्द्र राज आचार्यद्वारा हुने छ ।
आयोजकले सोमबार तौलिहवा उद्योग वाणिज्य संघमा आयोजना गरेको पत्रकार सम्मेलनमा सो कुरा बताइएको हो । कपिलवस्तु जिल्लाको सम्रग विकासको आधार धार्मीक स्थलहरुको प्रर्वद्धन, पर्यटन, कृषि उद्योग र व्यापार” भन्ने मुल नाराका आठौं प्राचिन कपिलबस्तु महोत्सव हुन लागेको हो ।
महोत्सव यही चैत्र २७ गते देखि बैशाख ८ गते सम्मा बुद्ध पद्यमको खेल मैदानमा हुने भएको छ ।
सो अवसरमा बोल्दै महोत्वस मुल आयोजक समितिका संयोजक एवम् तौलिहवा उद्योग वाणिज्य संघका अध्यक्ष गयादीन कुर्मीले जिल्लामा रहेको ऐतिहासिक एवम् पुरातात्विक स्थलहरुको प्रचार प्रसार, नयाँ प्राविधिहरुको विकासमा जोड दिने लागयतका उद्देश्यका साथ महोत्सव आयोजना गरिएको बताउनुभयो ।
उहाँले महोत्सवलाई सफल बनाउन विभिन्न उप समितिहरु बनाएर मेला आयोजना गरिएको बताउनुभयो । मेलालाई सफल बनाउन सबै सरोकारवालाहरुको सहयोग आवश्यक रहेको बताउनुभयो । संयोजक कुर्मीले महोत्सवमा प्रतिव्यक्ति प्रवेश शुल्क ५० रुपैयाँ तथा विद्यार्थीलाई परिचयपत्र सहित आएमा ३५ रुपैयाँ कायम गरिएको बताउनुभयो ।
कार्यक्रममा पत्रकार महासंघ कपिलबस्तु शाखाका अध्यक्ष किरणमान बज्राचार्य, संघका महासचिव देवेश जैसवाल, उपाध्यक्ष संदिप कुमार श्रीवस्ताव, कोषाध्यक्ष बृजेश भटरा, सचिव अजय बर्मा, अजय कसौधन लगायत, विभिन्न मिडिका प्रमुख एवम् प्रतिनिधिको सहभागिता रहेको थियो ।