कपिलवस्तु, असार ५ गते ।
शिक्षा स्वास्थ्य र कृषिलाई प्राथमिकता दिदै कपिलवस्तुको बुद्धभूमि नगरपालिकाले आगामी आर्थिक वर्षको नीति, कार्यक्रम तथा बजेट सार्वजनिक गरेको छ । ‘ ख्ुशी नगरबासी ः संबृद्ध बुद्धभुमी ’ भन्ने नारा सहीत नीति तथा कार्यक्रम सार्वजनिक गरिएको हो ।
सभामा नगर प्रमुख केशव कुमार श्रेष्ठले बार्षिक नीति तथा कार्यक्रम प्रस्तुत गरेका थिए । नगरका गौरवका योजना तथा अधुरा योजना, सामाजिक आर्थिक तथा पुर्वाधार निर्माण संगै गुणस्तरीयतामा बृद्धि, कृषि तथा पशु विकासको आधुनिकरण प्रबिधि मैत्री गुणस्तरीय सेवा आत्मनिर्भर र उद्यमशीलतामा जोड र साझेदारीलाई प्राथमिकतामा राखिएको नगर प्रमुख श्रेष्ठले बताए ।
नीति तथा कार्यक्रममा उत्पादकत्व अभिवृद्धि गर्ने, आन्तरिक रोजगारी प्रवद्र्धन र श्रमको सम्मानमा जोड दिने महत्वपुर्ण योजना सार्वजनिक गरिएको हो । त्यस्तै विपदको सम्बोधन र स्वास्थ्य क्षेत्रको सुधारमा जोड दिने, सामाजिक सुरक्षा तथा संरक्षणको प्रत्याभूति दिलाउने, नगर गौरवका योजना, अधुरा तथा निरन्तर योजनालाई प्राथमिकता दिने, सुशासन अभिवृद्धि गर्ने र समन्वय तथा साझेदारी प्रवद्र्धन गर्ने उद्देश्य सहित नीति तथा कार्यक्रम सार्वजनिक भएका छन् ।
आगामी आर्थिक बर्ष दमकल खरिदका लागि एक करोड बजेट बिनियोजन गरिएको छ । यस्तै शिक्षा, स्वास्थ्य र कृषि क्षेत्रमा समेत बजेट बृद्धि गरिएको छ । संघीय सरकारले बजेट कटौती गरे पनि नगरपालिकामा बजेट केही भए पनि थप गरी बिनियोजन गरिएको नगर प्रमुख श्रेष्ठले बताए ।
नगर उपप्रमुख मीरा थारुले बिनियोजन बिधेयक २०८१ प्रस्तुत गरेकी थिईन । कार्यक्रममा ७ वटा बिधेयक प्रस्तुत गरिएको थियो । आर्थिक ऐन २०८१, दररेट २०८१, स्वास्थ्य सेवा ऐन, भौतिक पुर्वाधार तथा ब्यवस्थापन ऐन रोजगार रणनीति २०८१ देखि २०८५ र बिनियोजित ऐन २०८१ प्रस्तुत गरिएको थियो ।
बिनियोजन र दररेट नगर उपप्रमुख थारु र बाकी बिधेयक बिधेयक समितिका संयोजक संदीप कुमार पाण्डेयले प्रस्तुत गरेका थिए ।
कार्यक्रम र बिस्तृत बजेटको बिवरण आउने असार १५ भित्र सार्वजनिक गर्ने कार्यक्रम छ । साथै पालिकाले लोगो समेत सार्वजनिक गरेको छ । कार्यक्रममा प्रमुख प्रशाकीय अधिकृत चुरामणि पन्थि, वडाध्यक्षहरु कार्यपालिका सदस्य, लगायतको सहभागीता थियो । कार्यक्रममा बजेटको कार्यान्वयनमा जोड दिइएको थियो ।
