चितवनस्थित साहारा बहुउद्देश्यीय सहकारी ठगी अभियोगमा मुद्दा दर्ता भएपछि बुधबार चितवन अदालतमा भएको रास्वपाका सभापति रवि लामिछानेबिरुद्धको थुनछेक बहस बिहीबार पनि निरन्तर हुने भएको छ। बुधबार कार्यालय समयमा बहस नसकिएपछि बिहीबार पनि बहस निरन्तर हुने गरी पूर्वगृहमन्त्री तथा रास्वपा सभापति लामिछानेलाई प्रहरीको जिम्मा लगाइएको छ।
यस प्रकरणमा बुधबार बिहान लामिछानेले अदालतमा बयान दिएपछि बिहीबार थुनछेक बहस सुरु भएको हो।
लामिछानेविरुद्धको मुद्दामा जिल्ला न्यायाधीश दयाराम ढकालको इजलासमा बहस भएको थियो। बुधबार सरकारी वकिलहरूले बहस गरेका थिए। लामिछानेका तर्फबाट वरिष्ठ अधिवक्ताद्वय सुशीलकुमार पन्त र धर्मराज आचार्य र अधिवक्ताहरू डा. नारायण दत्त कडेल,चुडामणि सापकोटा,रामचन्द्र देवकोटा,सुवर्ण सापकोटा, सञ्जय गोले,गोपीलाल देवकोटा,केदारराज पन्त र दिपकराज तिमल्सेनाले वकालतनामा भरेको स्रोतले जानकारी दिएको छ।
साहारा बहुउद्देश्यीय सहकारीको रकम अपचलन गरेको आरोपमा लामिछानेसहित थप १५ जनाविरुद्द मुद्दा दायर भएको छ।
