पशुपतिनगर(इलाम) असोज २० गते । इलाममा बाढी पहिरोमा फसेर पैदल मार्गबाट उद्धार गर्न नसकिएका व्यक्तिको आज बिहानैदेखि नेपाली सेनाको हेलिकाेप्टरबाट उद्धार गरिरहेको छ ।
इलामको माईजोगमाई गाउँपालिका–५ सोयाङवाट गर्भवती विद्या र उहाका श्रीमान रामकुमार राईको उद्धार गरिएको छ । सन्दकपुर गाउँपालिका–१ छागेकी गर्भवती कमला देवि राई र उहाँका श्रीमानलाई सेनाको हेलिकप्टरले उपचारका लागि झापाको बिएण्डी अस्पताल लगेको छ ।
यसअघि इलामको मावुवाट ४ जनालाई आजै बिहान हेलिकप्टर मार्फत उद्धार गरिएको थियो । सडक मार्गबाट उद्धार गर्न नसकिएपछि हेलिकप्टर मार्फत उद्धार गरिएको गडिथुम्कास्थित नेपाली सेनाको रणशार्दुल गणका प्रमुख प्रल्हाद घलेले जानकारी दिनुभयो । जिल्लााभर आज पनि नेपाली सेना, सशस्त्र प्रहरी र नेपाल प्रहरीले खोज अभियान, उद्धार र राहतका लागि काम गरीरहेको इलामका प्रमुख जिल्ला अधिकारी सुनिता नेपालले जानकारी दिनुभयो ।
शनिबार रातीको बाढी पहिरोमा परि इलाममा ३७ जनाको जयान गएको थियो ।
