कपिलवस्तुमा ६ महिनामा ४ सय ५ उद्योगधन्दा खुलेका छन । यस्तै सोही अवधिमा भने चल्न गाह्रो भए पछि ८९ उद्योग धन्दा बन्द भएका छन । चालु आर्थिक वर्ष २०८२/०८३ को साउन देखि पुस मसान्त सम्म २ सय ५ साना उद्योग र २ सय बाणिज्य फर्म दर्ता भएको जिल्ला घरेलु तथा साना उद्योग कार्यालयले जनाएको छ ।
यस्तै सोही अवधिमा भने चल्नै नसक्ने अवस्थामा रहेका ४५ सना उद्योग र ४४ बाणिज्य फर्मको लगत कट्टा गरिएको घरेलु तथा साना उद्योग कार्यालय कपिलवस्तुका प्रमुख सन्तोष खनालले बताए । गत आर्थिक वर्ष २०८१/०८२ मा ३ सय ३३ साना उद्योग र ३७४ ब्यवसायिक फर्म थपिएका थिए ।
यस्तै सोही अवधिमा २ सय ६५ साना उद्योग र १ सय ३७ वटा ब्यवसायिक फर्म समते बन्द भएका थिए । चालु आर्थिक वर्षमा उद्योगधन्दा खुल्नेक्रम सन्तोषजनक नै रहेको खनालले बताए । चालु आर्थिक वर्ष ७ सय ४ साना उद्योग र ४ सय २८ ब्यवसायिक फर्मले नवीकरण समेत गराएका छन ।
चालु आर्थिक वर्षमा खुलेका साना उद्योगमा ४९ करोड ६ लाख तथा बाणिज्य फर्मममा ४९ हरोड ९६ लाख लगानी गरिएको खनालले बताए । उद्योग र ब्यवसायिक फर्म गरेर ६ महिनामा जिल्लामा एक अर्व बढीको लगानी हुने राम्रो संकेत भएको खनालले बताए । ६ महिनामा खुलेका उद्योगबाट ९३ महिला र १ सय ३८ पुरुष उद्यमी भएको र त्यसबाट ४ सय ३० महिला र ४ सय ५८ पुरुषले रोजगारी समेत पाएका छन ।
जेन्जी आन्दोलने केही अन्यौता थपेपछि अहिले भने उद्योग धन्दा खुल्नेक्रममा सुधार आएको खनालले बताए । उद्योगधन्दा खुल्नेक्रम राम्रो भए पनि ६ महिनामा ८९ उद्योगधन्दा बन्द हुनु समेत दुःखद कुरा भएको खनालले बताए । युवाहरु बिदेश पलायन हुनेक्रम बढे पछि त्यसको असर समेत उद्योग र ब्यापामा समेत परेको खनालले बताए ।
कपिलवस्तु उद्योग ब्यापार संघका अध्यक्ष गणेश क्षेत्रीले ६ महिनामा जिल्लामा ४ सय बढी उद्योगधन्दा खुलेको राम्रो भए पनि ब्यवसायको बातावरण भने अझै हुन नसकेको बताए । उनले साना र उद्योग र ब्यापारलाई सरकारले प्रबद्र्धन गर्न नसक्दा खोलिएको उद्योग धन्दा पनि चाडै बन्द हुने गरेको बताए ।
उनले सरकारले उद्योग र ब्यापारको सहज स्थिति बनाउनु पर्ने माग गरे । उनले अहिले उद्योगी ब्यवसायीलाई धरै गाह्रो स्थिति रहेको बताए । उद्योग बाणिज्य संघका केन्द्रीय सदस्य जमसेर अली मियाले अहिले उद्योग ब्यापार गर्न नसक्ने स्थिति सूजना भएको बताए । उनले सरकारले ठोस कदम नचाले धेरै उद्योग ब्यापार बन्द हुने उनले बताए ।
