आगामी फागुन २१ गते हुने प्रतिनिधि सभाको निर्वाचनमा निर्वाचन आयोगले जारी गरेको आचारसंहताको पुर्ण पालना गर्ने दल र उम्मेदवारले प्रतिबद्धता ब्यक्त गरेका छन । कपिलवस्तुको तौलिहवा स्थित जिल्ला समन्वय समितिको हलमा आयोजित अन्तर्क्रिया कार्यक्रममा उनीहरुले सो प्रतिबद्धता गरेका हुन ।
निर्वाचन स्वच्छ र भयरहितरुपमा सम्पन्न गर्न आफुहरुले आचारसंहीता पालन गर्ने उनीहरुले बताएका छन । उनीहरुले आचारसंहीता अनुमगनर निरीक्षण गरी कडाईकासाथ पालना गर्नु पर्नेमा जोड दिए । सो अवसरमा निष्पक्ष, स्वच्छ र विश्वासनीय रूपमा सम्पन्न गर्न उम्मेदवार, राजनीतिक दल तथा तिनका प्रतिनिधिहरूलाई निर्वाचन आचारसंहिता २०८२ को कडाइका साथ पालना गर्न आग्रह गरिएको थियो ।
कार्यक्रममा निर्वाचन आचारसंहिता पालना सम्बन्धी अन्तक्र्रिया कार्यक्रममा आचारसंहिताका प्रमुख प्रावधानबारे जानकारी गराइएको थियो । मुख्य निर्वाचन अधिकृत रमेश शर्मा पौडेलले जिल्लास्थित सम्पूर्ण राजनीतिक दलहरूले निर्वाचन आचारसंहिता अक्षरशः पालना गर्नुपर्ने बताए ।
आचारसंहिता उल्लघंन गर्ने दल वा उम्मेदवारलाई आचार समिति तथा निर्वाचन आयोगबाट कानुनअनुसार कारबाही हुने उनले बताए । निर्वाचन खर्चका लागि आयोगले तोकेको सीमा अनिवार्य रूपमा पालना उनले बताए । निर्वाचनलाई प्रभाव पार्ने उद्देश्यले व्यक्तिगत कामका नाममा गरिने कुनै पनि गतिविधि गैरकानुनी हुने उनले बताए ।
प्रमुख जिल्ला अधिकारी जनार्दन गौतमले निर्वाचन आचारसंहिता उल्लघंन गर्नेलाई कारबाही गरिने बताए । स्वच्छ, भयरहित र विश्वासनीय निर्वाचनका लागि सबै सरोकारवाला ईमान्दारीकासाथ आचारसंहीता पालना गर्नेमा आफु बिश्वस्त रहेको बताए ।
उनले निर्वाचनसम्बन्धी कानुनअनुसार मतदानभन्दा १७ दिन अगाडिबाट मात्र मत प्रचार–प्रसार गर्न पाइने व्यवस्था बताए। सहायक प्रमुख जिल्ला अधिकारी एवं निर्वाचन आचारसंहिता अनुगमन अधिकृत भविश्वर घिमिरेले राजनीतिक दल तथा तिनका भातृ र सन्निगठनहरूले अनिवार्य रूपमा पालना गर्नुपर्ने आचारसंहिताका विषयमा जानकारी गराएका थिए ।
अन्तरक्रियामा प्रतिनिधि, उम्मेदवार तथा सरोकारवालाहरूको उपस्थिति रहेको थियो । बैठकमा आचारसंहिता पालनाको प्रतिबद्धता, अनुगमन संयन्त्रको प्रभावकारी प्रयोग, खर्च व्यवस्थापन तथा निर्वाचन मर्यादा कायम गर्ने विषयमा छलफल गरी आवश्यक निर्णय गरिएको थियो ।
