कपिलवस्तु, भदौ १५ गते । कपिलवस्तु नगरपालिका–१, मस्जिद टोलस्थित जामा मस्जिद आहाले सुन्नतले प्रधानमन्त्री दैवीप्रकोप उद्धार कोषमा ५८ हजार पाँच सय रुपियाँ सहयोग गरेको छ।
मस्जिद समितिका अध्यक्ष रउाफ अहमद खाँको नेतृत्वमा गएको टोलीले प्रमुख जिल्ला अधिकारी जनार्दन गौतमलाई उक्त रकम जम्मा गरेको भौचर हस्तान्तरण गरेको हो।
सहयोग हस्तान्तरण कार्यक्रममा कपिलवस्तु नगरपालिका–१ का वडाध्यक्ष मोहम्मद जाहिद खाँ तथा समाजसेवी खुर्सेद अहमद खाँलगायतको सहभागिता रहेको थियो।
विपद्बाट प्रभावित नागरिकको उद्धार तथा राहतमा सहयोग पुगोस् भन्ने उद्देश्यले उक्त रकम कोषमा जम्मा गरिएको मस्जिद समितिले जनाएको छ।
