टोकियो ओलम्पिक २०२० मा सहभागी खेलाडीहरूलाई कन्डोम बाँडिन थालिएको छ । खेलाडीहरूलाई १ लाख ६० हजार कन्डोम बाँडिने लागेको आयोजक कमिटीले जनाएको छ ।
यौन सुरक्षालाई मध्यनजर गर्दै आयोजक कमिटिले खेलाडी र पदाधिकारीलाई कन्डोम बाँड्न लागेको हो । ओलम्पिकका दौरान थुप्रै खेलाडी र पदाधिकारीहरूले यौनसम्पर्क राख्न सक्ने अवस्थालाई ध्यानमा राखी सुरक्षित यौन सम्पर्कका लागि आयोजकले कन्डोम बाँड्न लागेको हो । विगतका ओलम्पिक खेलमा पनि आयोजक कमिटीले खेलाडी र पदाधिकारीहरूलाई कन्डोम बाँड्दै आएका थिए ।
महत्वपूर्ण कुरा ओलम्पिक खेलका दौरान यौनमा सौख राख्ने कतिपय खेलाडी र पदाधिकारीहरू वेश्यालय धाउने हुँदा पनि उनीहरूको यौन सुरक्षाको लागि पनि कन्डोम बाँडिएको हो ।
त्यस्तै विगतका ओलम्पिकमा प्रत्यक्ष रूपमा ओलम्पिक हेर्न आउने पर्यटकहरूका लागि आयोजक राष्ट्रले ठूला–ठूला बेश्यालय खोल्नको लागि मञ्जुरी दिएको हुन्थ्यो । उक्त वेश्यालयहरूमा विश्वका थुप्रै सुन्दरीहरू आफ्नो देह व्यापार गर्न आउँथे ।
यो पटक कोभिडका कारणले ओलम्पिक माहोल अलिक फरक छ । आयोजक राष्ट्रले सीमित पर्यटकहरूलाई मात्र जापान आउने अनुमति दिएको छ । जसले गर्दा ओलम्पिकको रौनकतामा समेत असर परेको छ । आयोजक राष्ट्रलाई देह व्यापारबाट हुने आम्दानीमा पनि ठूलो घाटा लागेको छ ।
