सर्वोच्च अदालतले पूर्व माओवादीका चार सांसदको रिटमा अन्तरिम आदेश दिन अस्वीकार गरेको छ । न्यायाधीश इश्वरप्रसाद खतिवडाको इजलासले सो आदेश गरेको हो ।
नेकपा माओवादी केन्द्र छाडेर नेकपा एमाले प्रदेश गर्नुभएको टोपबहादुर रायमाझी, लेखराज भट्ट, गौरिशंकर चौधरी र प्रभु साहको सांसद पद पुनर्वहालीको अन्तरिम आदेश दिन अस्वीकार गरेको सर्वोच्च अदालतका प्रवक्ता बाबुराम दाहालले बताउनुभयो।
एमालेका चार पूर्वनेताले आफूहरु माओवादीमा हुँदाको सांसद पद पुनर्वहाली गरिपाउ भन्दै यही साउन १३ गते सर्वोच्चमा चारै जनाले छुट्टाछुट्टै रिट दर्ता गर्नुभएको थियो ।
