बुटवल साउन २६ / सिदार्थ राजमार्गको बुटवल तानसेन सडक खण्ड अन्तरगत सिद्धावावा नजिकै खसेको डुंगाले लाग्दा स्कारपियो जिप तिनाउ नदीमा
खसेको छ।
तिनाउ नदीमा खसेको जिपमा यात्रा गरि रहेका ४ जना घाईते भएका लुम्वनी प्रदेश टाफिक प्रहरी कार्यालय बुटवलले जनाएको छ।
प्रहरीका अनुसार पाल्पाको दोभानबाट बटवल आउदै गरेको उक्त जिप तिनाउ गाउपालिका वडा न५ सिद्धवावा नजिकै हेडबक्समा आईपुग्दा माथीबाट खसेको ढुंगाले लागेको थियो।
माथीबाट खसेको उक्त ढुंगाले बा १८ च ७३२६ नम्वरको जिप सहित सबै यात्रुहरुलाई खोलामा पुरयाएको थियो ।
उक्त घटनामा घाईते भएका ४ जनालाई उद्दार गरी उपचारका लागि लुम्विनी प्रादेशिक अस्पतालमा पठाईएको छ।
दुर्घटनामा परी पाल्पाको तिनाउ गाउँपालिका वडा नम्बर ३ झुम्साका ५४ वर्षीय बाबुराम पाण्डे, २२ वर्षीय विनोद पाण्डे, १८ वर्षीय अमित बस्याल र ४२ वर्षीय गङ्गा दराई घाइते छन्।
तीमध्ये बाबुरामको अवस्था गम्भीर रहेको प्रहरीले जनाएको छ।
