काठमाडौँ। नेकपा (माओवादी केन्द्र) को केन्द्रीय कमिटी बैठक सुरु भएको छ। बत्तीसपुतलीस्थित अनुपम फुडल्यान्डमा बैठक बसिरहेको छ ।
बैठकमा अध्यक्ष पुष्पकमल दाहाल ‘प्रचण्ड’ले शनिवार प्रस्तुत गरेको राजनीतिक प्रतिवेदनमाथि समूहगत निष्कर्ष प्रस्तुत हुने बताइएको छ । उक्त प्रतिवेदनमाथि छलफलका लागि आठ वटा समूह बनाइएको छ । नेताहरूले समूहमा छलफल गरेका छन् ।
प्रतिवेदनमा प्रचण्डले पार्टीको राष्ट्रिय सम्मेलन आउँदो पुस ११ देखि १३ गतेसम्म गर्ने प्रस्ताव गरेका छन् ।
यस्तै केन्द्रीय कमिटी बैठकअघि आज बिहान माओवादीको स्थायी कमिटी बैठक बसेको थियो । पेरिस डाँडामा बसेको बैठक केन्द्रीय कमिटी बैठकको विषयमा केन्द्रित रहेको थियो ।
