काठमाडौं । अफगानिस्तानमा रहेका नेपाली नागरिकको जीवन रक्षाका लागि नेपाल तरुण दलले सरकारको ध्यानाकर्षण गराएको छ ।
तरुण दलका अध्यक्ष जित जङ्ग बस्नेतले विज्ञप्ती जारी गर्दै द्वन्दग्रस्त क्षेत्रमा रहेका नागरिको तत्काल उद्धारका लागि कुटनीतिक पहल गर्न ध्यानाकर्षण गराएका हुन् ।
अफगानिस्ताको अधिकांश क्षेत्र नियन्त्रणमा लिईसकेको विद्रोही संगठन तालिवानले विदेशी नागरिकलाई अफगानिस्तान छाड्ने समय दिएकाले उक्त समयमा आफ्ना नागरिकलाई फिर्ता गराउन अपिल गरिएको छ ।
‘अफगानिस्तानमा रहेका नेपाली नागरिकको सुरक्षित घर फिर्ती र त्यहाँ रहेका नेपालीको जीवन रक्षाको सुनिश्चितताको लागि नेपाल सरकारले तत्काल विशेष पहल नेपाल तरुण दलको केन्द्रिय समिति यसै विज्ञप्ती मार्फत सरककारको गम्भीर ध्यानाकर्षण गराउँदछ ।‘ बस्नेत द्वारा विज्ञप्तीमा भनिएको छ ।
