काठमाडौं । लोकतान्त्रिक समाजवादी पार्टी नेपालले निर्वाचन आयोगबाट औपचारिक रुपमा दलको मान्यता प्राप्त गरेको छ ।
सरकारले ल्याएको अध्यादेश अनुरुप भदौ २ मा जनता समाजवादी पार्टी फुटाएर महन्थ ठाकुर नेतृत्वमा दिइएको निवेदनअनुसार बुधबार केन्द्रीय सदस्यहरुको सनाखत गरी आयोगले दल दर्ताको प्रमाणपत्र दिएको हो ।
आयोगमा लोसपाको दर्ता नम्बर १६७ रहेको छ ।
लोकतान्त्रिक समाजवादी पार्टी दर्ताका लागि प्रतिनिधिसभाका सदस्यहरु महन्थ ठाकुर, राजेन्द्र महतो, शरतसिंह भण्डारी, अनिलकुमार झा, लक्ष्मणलाल कर्ण, चन्दा चौधरी, निर्जला राउत, विमलप्रसाद श्रीवास्तव, उमाशंकर अरगरिया, एकवाल मियाँ, चन्द्रकान्त चौधरी, दुलारीदेवी खँग खत्वे, कल्लुदेवी विश्वकर्मा, शेखरकुमार सिंहले सनाखत गरेका छन् ।
