काठमाडौँ। ६ पत्रकार सङ्गठनहरुले अमेरिकी सहयोग परियोजना मिलेनियम च्यालेन्ज कर्पोरेशन (एमसीसी) खारेज गर्न माग गरेका छन् । मंगलबार क्रान्तिकारी पत्रकार महासंघ, प्रगतिशील पत्रकार संघ, जनपत्रकार संगठन, देशभक्त पत्रकार संघ र अखिल नेपाल पत्रकार युनियनले संयुक्त रुपमा एक विज्ञप्ति जारी गर्दै एमसीसी खारेज गर्न माग गरेका हुन्।
‘नेपालकको राष्ट्रिय हितविपरीतको यो सम्झौता खारेजीका लागि हामी जोडदार रुपमा माग गर्दछौ । साथै एमसीसीका पदाधिकारीको हुन लागेको भ्रमण र अासन्न संसदको अधिवेशनबाट एमसीसी पास गर्ने गरी भइरहेका समग्र गतिविधिको हामी घोर विरोध गर्दछौं । र, एमसीसी सम्झौता संसदमा टेवल नगर्न र एमसीसीको पक्षमा मत नदिन हामी प्रतिनिधि सभाका सभामुख र सांसदहरुलाई विशेष आग्रह गर्दछौ ‘जारी विज्ञप्तिमा भनिएको छ।
यस्तै सम्पुर्ण देशभक्त नेपालीहरुलाई एमसीसी सम्झौता खारेजीका लागि आन्दोलित हुन ६ पत्रकार सङ्गठनहरुले आव्हान गरेका छन्। साथै सचेत देशभक्त नागरिकहरुले चलाएका तथा घोषणा गरेका आन्दोलन, अभियानप्रति उनीहरुले ऐक्यबद्धता समेत जाहेर गरेका छन्।
‘यो सम्झौता स्वीकार गर्नु नेपालका लागि आत्मघाती कदम हुनेछ । र, आफ्नो मृत्युपत्रमा आफैले हस्ताक्षर गर्नुसरह हुनेछ ।
तसर्थ हामी सम्पुर्ण देशभक्त नेपालीहरुलाई एमसीसी सम्झौता खारेजीका लागि आन्दाेलित हुन आव्हान समेत गर्दछौ र खारेजीको पक्षमा २२ दलीय मार्चा लगायत, सचेत देशभक्त नागरिकहरुले चलाएका तथा घाेषणा गरेका आन्दोलन, अभियानप्रति ऐक्यबद्धता जाहेर गर्दछौं ‘
साथै, यस्तो राष्ट्रघाती एमसीसी सम्झौताको पृष्ठपोषण हुने खालका कुनै पनि सामग्रीलाई स्थान नदिन सबै सञ्चारमाध्यमलाई उनीहरुले आग्रह समेत गरेका छन् ।
