तौलिहवा, चैत्र १४ । नेपाल कम्युनिष्ट पार्टी (एमाले) का अध्यक्ष केपी शर्मा ओलीले भडकाउन खोज्ने तत्वहरुलाई हामीले असफल पार्ने बताउनुभयो । नेकपा (एमाले) जिल्ला कार्यसमिति कपिलबस्तुले तौलिहवामा आयोजना गरेको पार्टी प्रबेश तथा बृहद जनसभा कार्यक्रममा सो कुरा उहाँले बताउनुभएको हो ।
जनतालाई हरेक हिसाबले भडकाउन खोज्ने, हरेक हिसाबले विवादित पर्ने, गतल बाटोमा लैजान खोज्ने र देश विकासको कामलाई रोक्न खोज्ने प्रयासलाई हामीले रोक्नु पर्ने उहाँले बताउनुभयो । उहाँले भन्नुभयो सामाजिक सद्भाव, पारस्पारीक मित्रताबाट मात्र हामीले देशको विकास गर्न सक्छौ ।
नेपाल बहुजातिय, बहुसांस्कृतिक देश हो त्यसैले समझदारी रुपले, सहिसुष्णताका साथ आपसमा मिलेर बस्नु पर्ने अध्यक्ष ओलीले बताउनुभयो । शिक्षा, स्वास्थ्य र सामाजिक क्षेत्रमा देशलाई अगाडी बढाउन देशमा एमाले नै चाहिने उहाँले बताउनुभयो । उहाँले भन्नुभयो जब सम्मा एमालेको सरकार आएन तब सम्म हुलाकी राजमार्ग बनेन् । हुलाकी राजमार्ग बनाउनको लागि एमाले सरकार नै चाहिने उहाँले बताउनुभयो ।
मधेशि जनताको छोरा छोरीको नागरिकता पाउने अधिकार केपि ओली नेतृत्वको सरकारमा नै भएको नेकपमाका महासचिव शंकर पोखरेलले बताउनुभयो । आदलतको आध्यादेशका कारण नागरिकता बनाउने काम रोकिए तपनि एमालेको सरकार आयो भने फेरी कानुन बनाएर त्यो अधिकारको सुनिश्चित गर्ने उहाँले बताउनुभयो ।
पार्टी प्रबेश गर्दै प्रतिनिधि सभा सदस्य बृजेश कुमार यादवले देशको सम्पूर्ण उत्पीडन वर्गको समस्याको समाधान एमालेले मात्र गर्न सकिने बताउनुभयो ।
भडकाउन खोज्ने तत्वहरुलाई हामीले असफल पार्नु पर्छः अध्यक्ष ओली
