-ईसाझा न्यूज/ तौलिहवा
०४६ सालको परिवर्तनपश्चात मुलुकमा संविधानसभाका दुईसहित ६ वटा संसदीय निर्वाचन सम्पन्न भएका छन् भने स्थानीय निकायका तीन वटा निर्वाचन सम्पन्न भएका छन् । त्यसैगरी बैशाख ३० गते संविधानप्रदत्त अधिकार उपयोग गर्दै सरकारले स्थानीय निकायको निर्वाचनका लागि मिति नै तय गरेको छ ।
अहिले आचार संहिता समेत लागू भईसकेको अवस्था छ। देश पुर्ण रुपमा स्थानिय चुनावमय भएको छ। कपिलवस्तु नगरपालिकाको मेयर पदका आकांक्षी यतिवेला निकै चर्चामा रहेका युवा नेता सुदिप पौडेल(स्वतन्त्र १ नं. वडाध्यक्ष) हालै मात्र एमालेमा प्रवेश गरेका थिए ।
पुर्व मन्त्री वृजेश कुमार गुप्ता संगै एमालेमा प्रवेश गरेका पौडेल अनततः आफूले राजनिती शुरु गरेको राष्ट्रिय प्रजातन्त्र पार्टि मै फर्किन लागेको कुरा स्रोतको दावि छ।
स्रोतका अनुसार, एमालेबाट मेयर पदको उम्मेदवार पाउने अवस्था नरहेकोले राष्ट्रिय प्रजातन्त्र पार्टि प्रवेश गर्न लागेको हो।
पौडेल २०५४ सालमा राप्रपाको भातृ संगठन राष्ट्रिय प्रजातान्त्रीक विद्यार्थी संगठनका जिल्ला अध्यक्ष समेत रहेका थिए। माओवादी द्वन्दका समय वाध्यतावस राप्रपा परित्याग गर्नु परेको कुरा थाहहुन आएको थियो।
विकास प्रेमी युवा नेताको रुपमा छवि बनाएका पौडेल स्थानिय युवा माझ निकै लोकप्रिय रहेका छन्। सामाजिक संजालमा समेत स्थानिय युवाहरुले पौडेल मेयर पदको उम्मेदवार हुनु पर्ने जोड दिई रहेका छन्।
