असलम खान
साझा न्यूज । रुपन्देही । जिल्लाको मर्चवारी गाउँपालिकामा कुलतमा लाग्न नदिन गाउँपालिकाले विशेष अभियान थालेको छ । मर्चवारमा पछिल्लो समय युवा, युवतीहरु बढि लागुऔषध सेवन गर्ने गरेकाले मर्चवारी गाउँपालिकाले लागुऔषध दुव्र्यसनी सम्बन्धी सडक नाटक सोमबार देखि सुरु गरेको हो ।
मर्चवारी गाउँपालिका १ को सेमरा माध्यमिक विद्यालय वडा नम्बर २ को अमवा मावि, ५ को ओडवलिया मा.वि, ६ को ठर्की मा.वि, ७ को बगौली मा वि मा सडक नाटक गरिएको आयोजकले जनाएको छ । केन्द्रीय कलाकारको प्रस्तुतिमा भएको सडक नाटक कार्यक्रममा जनप्रतिनिधी, विद्यार्थीहरु एवं स्थानियको सहभागिता रहेको थियो ।
सो कार्यक्रमलाई सम्बोधन गर्दै मर्चवारी गाउँपालिकाका गया प्रसाद बरईले स्कुलले विद्यार्थीहरु, युवा युवतीहरु बढि कुलतमा लागेकोले यसको रोकथाम र नियन्त्रणका लागी प्रयास थालिएको बताए । लागुऔषधले मानवीय क्षेती संगै समाजमा विकृति फैलाउन टेवा दिने बताउँदै अध्यक्ष बरईले यसको नियन्त्रणका लागी सम्बन्धी सवै निकाय उत्तिकै जिम्मेबार बन्नुपर्ने उल्लेख गरे । आगामी दिनमा समेत यि यस्ता सचतेना मुलक कार्यक्रमले निरन्तरता बताए । बालबालिका भोलीका कर्णधार भएकाले हेरचाह र नैतिक शिक्षा दिनु आजको आवश्यकता रहेको अध्यक्ष बरईले बताए ।
अभिभावकले आफ्ना सन्तानहरुलाई बढि हेरचाह गर्नुपर्ने बताउँदै गाउँपालिकाबाट कुलतमा लाग्न लागेका,फसेकाका लागी लक्षित सचेत नामुलक कार्यक्रम गरेको अध्यक्ष बरईले जानकारी दिएका छन ।
गाउँपालिकाकी उपाध्यक्ष आशा सिंहले लागुऔषध दुव्र्यसनीले व्यक्तिलाई मात्र नभई समाजलाई खराब बनाउने हुँदाको यसको नियन्त्रण गर्न सबै जिम्मेवार बन्नुपर्ने बताइन । सो अवसरमा गाउँपालिकाका प्रमुख प्रशासकीय अधिकृत झबिलाल भट्टराईले समाजमा हुने विकृति धेरै जसो लागुऔषध सेवनले हुने बताएका छन् ।
विद्यार्थीहरु तथा युवाहरुमा बढि लत कुलतको लागेको हुँदा यसो नगर्न मर्चवारी गाउँपालिका विभिन्न ठाउँमा सडक नाटक गरिने समेत भट्टराईले बताए । कार्यक्रममा १ देखि ७ सम्माका वडा अध्यक्ष, जनप्रतिनिधी, गाउँपालिकाका विभिन्न शाखा प्रमुख लगायतको उपस्थिति रहेको थियो ।
