मालपोत कार्यालयका कार्यालय सहयोगी कुटिए

कपिलवस्तु पुस २०। भुमि सुधार तथा मालपोत कार्यालय कपिलवस्तुका कार्यालय सहयोगी निरज कडेल कुटिएका छन । लेखपढी ब्यवसायी बुद्धभुमि नगरपालिका वडा नम्बर ६ महुवाका सर्वजित मिश्राले शुक्रवार बिहान साढे ११ बजतिर कडेललाई कुटेका हुन ।
कुटपीट गर्ने मिश्रा लेखापढी व्यवसायी दुर्गा पाण्डेयको सहयोगी कर्मचारीको हुन । फाईल अघि बढाउन ढिलासुस्ती गरको झोकमा मिश्राले कडेलाई कुटेको लेखपढी ब्यवसायी बताउछन । कुटपीट पछि मिश्रा मोबाईल स्विच अफ गरी फरार भएका छन । कुटपिटबाट कंडेलको निधारको देब्रे भागमा चोट पटक लागेको छ ।
यता घटना पछि जिल्ला प्रहरी कार्यालय कपिलवस्तु र वडा प्रहरी कार्यालय तौलिहवाको प्रहरी टोली कार्यालयमा पुगेको छ । कार्यालयले मिश्रा बिरुद्ध प्रशासनमा उजुरी दिने तयारी गरेको छ । कुटपिट भएका कर्मचारी कंडेलको कार्यशैली प्रति अधिकांस लेखापढि व्यवसायी असन्तुष्ट रहेको दावी छ । कुनै फाँटबाट अर्को फाँटमा फाईल पुराउंदा कंडेलले घुस माग्ने गरेको लेखापढी ब्यवासयी बताउछन ।
कुनै कुरा चित्त नबुझे उजुरी दिन र आफुहरुलाई जानकारी गराउन सक्ने भए पनि कुटपीट गर्नु निन्दनीय कुरा भएको मालपोत अधिकृत टीका पौडेलले बताए । कार्यालयका कर्मचारी माथि सांघातिक आक्रमण गर्ने व्यक्ति उपर कडा कारबाही भन्दा कडा कारवाहीको माग अगाडि बढाईने कार्यालयका प्रमुख मालपोत प्रमुख देवी बहादुर भण्डारीले बताए ।
मालपोतमा कर्मचारीहरुलाई अतिरिक्त पैसा नदिए फाईल अघि बढाउनै मुस्लिक हुने गरको सेवाग्राहीको गुनासो छ । मालमा लेखपढी र सेवग्राहीले अतिरिक्त शुल्क दिने प्रथा अझै नहटेको सेवाग्राही बताउछन ।