साझा न्यूज । तौलिहवा (कपिलवस्तु)
भारतको अयोध्या स्थित राम मन्दिरमा भगवान श्री रामको प्राण प्रतिष्ठाको आयोजना हुदै गर्दा सोमवार कपिलवस्तुको कृष्णनगर, तौलिहवा, पकडी लगायतका स्थानहरुमा धुमधामका साथ धार्मिक र्याली तथा धार्मिक पुजाको आयोजना गरिने भएकाे छ ।
राम मन्दिरमा हुने प्राण प्रतिष्ठाको अवसरमा यहांका सनातनवादी आम सर्वसाधारणमा ठुलो उत्साहको लहर देखिएको छ । तौलिहवा बजारलाई गेरुवा रंगको जय श्री राम, हनुमान जी का झण्डा पताकाहरुले रंगाईएको छ । बजार क्षेत्रमा ठुला ठुला झण्डा तथा ब्यानरहरु टांसिएका छन् ।
श्री तामे्रेश्वर महादेव मंदीर, राम जानकी मन्दिर, समयमाई मन्दिर, चन्द्र घण्टा दुर्गा मन्दिर लगायतका सवै मन्दिरहरुमा सोमवार प्राण प्रतिष्ठाको अवसरमा धार्मिक पुजा तथा अनुष्ठानको आयोजना गरिएको छ ।
सोमवार विहान ११ बजे देखि रामजानकी मन्दिरबाट सनातनी धर्मावलम्वीहरुको ठुलो संख्यामा धार्मिक जुलुश निस्कने र तौलिहवा बजार परिक्रमा गरिने कार्यक्रम राखिएको छ । सो अवसरमा सांझ हरेक सनातनी धर्मावलम्वीहरुले घरम घरमा दिपावली गर्ने तयारी समेत गरिएको स्थानीय सनातनी धर्म अगुवाहरुले बताएका छन् ।
जिल्लाका ८ वटा स्थानीय तहले स्थानीय तहमा सार्वजनिक विदा दिएर सर्वसाधारणलाई भगवान रामको प्राण प्रतिष्ठाको खुशीयाली मनाउन आह्वान गरेका छन् । सो दिन मासु तथा मदिराजन्य वस्तुहरुको सेवन तथा विक्री वितरणमा समेत रोक लगाईएको छ । सोमवार २२ जनवरीका दिन भगवान श्री राम अयोध्यामा ४ सय ९२ वर्ष पछि पुर्नस्थापित हुने छन् ।
सनातनी धर्मावलम्वीहरुको यो खुशीयालीको दिन राती कपिलवस्तु नगरपालिका क्षेत्रका घर घरम दिपावली गर्न कपिलवस्तु नगरपालिकाका नगर प्रमुख सुदीप पौडेलले नगरवासीमा आग्रह समेत गरेका छन् ।
