७४ औ प्रजातन्त्र दिवसका अवसरमा हाजिरी जवाफ प्रतियोगीता

कपिलवस्तु, फागुन ७ गते । ७४ औ प्रजातन्त्र दिवसका अवसरमा कपिलवस्तुको तौलिहवामा नगरस्तरीय आधारभुत बिद्यालय तहको हाजिरी जवाफ प्रतियोगीता संपन्न गरिएको छ । कपिलवस्तु नगरपालिकाको सहयोगमा सृजनशील नारी साहित्य समाज कपिलवस्तुको आयोजना प्रतियोगीता गरिएको हो ।
प्रतियोगीतामा सनशाइन बोर्डिङ स्कुलका शिवम चौधरी र परी अग्रहरीको टोली प्रथम भएको छ । यस्तै बुद्ध ज्योति बोर्डिङ स्कूलका कमला भण्डारी र हमदान यासिन द्वितीय भएका हुन् । रत्न राज्य लक्ष्मी माविका रामकृपाल यादव र रीमा बेल्दार तृतीय भएका छन् ।
सिद्धार्थ विद्या मन्दिरका प्रमिश आचार्य र कृबिशा बज्राचार्य सान्त्वना भएका छन् । बिजयी टोलीलाई पुस्कृत गरिएको थियो । कार्यक्रम समाजकी अध्यक्ष सकुन्ता पौडेलको अध्यक्षता, गीता खनालको संचालन अंशु पौडेलको स्वागत मन्तब्यमा गरिएको थियो ।
कार्यक्रममा साहित्यकार पशुपतिमणि त्रिपाठी, नगरपालिकाका सामाजिक विकास अधिकृत पदमराज श्रेष्ठ लगायतको सहभागीता रहेको थियो ।