प्रकाश गैरे । साझा न्यूज
बुटवल । तौलिहवाबाट अपहरण परेका एक युवाको प्रहरीले बुटवलबाट सकुशल उद्धार गरेको छ । कपिलवस्तु नगरपालिका वडा नं. ४ मलपरवा गाउंका विनित मिश्रालाई केही व्यक्तिहरुको समूहले अपहरण गरेकोमा प्रहरीले उनलाई ८ घण्टा पछि बुटवलबाट सकुशल उद्धार गरेको हो ।
घटनाको थप अनुसन्धान पछि पत्रकार सम्मेलन मार्फत वितृत विवरण सार्वजनिक गरिने प्रहरी उपरीक्षक नवरत्न पौडेलले बताए । अपहरणको घटना थाहा पाए लगत्तै सुक्ष्म रुपमा अहरणमा परेका मिश्राको खोजीका लागि प्रहरी परिचालन गरेका थिर्यौं, प्रहरी उपरीक्षक पौडेलले भने, “करीब ८ घण्टाको दौरानमा सकुशल उद्धार गर्न सक्यौं ।” पक्राउ परेका उनीहरु विरुद्ध अपहरण तथा शरीर वन्धक मुद्धा दर्ता गरिने प्रहरीले जनाएको छ ।
लेनदेनको कारण उनी अपहरणमा परेका थिए । अपहरणकारीले मिश्रालाई तौलिहवाबाट बुटवलको एक होटलमा पुर्याएका थिए । होटलमा राखेर कुटपीट तथा रकम माग गर्दै गरेको अवस्थामा प्रहरीले पक्राउ गर्न सफल भएको थियो ।
अपहरणको आरोपमा ४ जना मुख्य आरोपी सहित ६ जनालाई प्रहरीले पक्राउ गरेको प्रहरी नायब उपरीक्षक हरि बहादुर वलीले बताए । पक्राउ परेका सवै जिल्ला प्रहरी कार्यालय कपिलवस्तुको नियन्त्रणमा छन् ।
