विनोद अधिकारी
कपिलवस्तु, असोज २३ – नेपाल निर्माण व्यवसायी महासङ्घका पूर्व अध्यक्ष स्व. सहिद शरद गौचनको आठौं स्मृति दिवस आज कपिलवस्तुमा सम्पन्न भएको छ। कपिलवस्तु निर्माण व्यवसायी संघको आयोजनामा तौलिहवामा सम्पन्न उक्त कार्यक्रममा प्रमुख अतिथि लुम्बिनी प्रदेश निर्माण व्यवसायी महासङ्घका उपाध्यक्ष दिनेश हमालले फूल र माल्या अर्पणगरी। स्वर्गीय सहिद गौचनको चिर शान्तिको कामना गरेका थिए।
कार्यक्रममा हमालले स्वर्गीय शरद गौचनले निर्माण क्षेत्रको हकहितका लागि गरेको संघर्ष र योगदानको स्मरण गर्दै उहाँ एक प्रेरणादायी तथा महान व्यक्तित्व भएको उल्लेख गर्नुभयो।
त्यस्तै, कार्यक्रमका विशिष्ट अतिथि कपिलवस्तु निर्माण व्यवसायी संघका पूर्व अध्यक्ष एवं प्रदेश सल्लाहकार रविन्द्रनाथ ठाकुरले स्व. गौचनले निर्माण व्यवसायीहरूको अधिकार स्थापित गर्न खेलेको भूमिकाको प्रशंसा गर्नुभयो।
कार्यक्रमको अध्यक्षता संघका अध्यक्ष सरोज अर्यालले गर्नुभएको थियो भने सञ्चालन संघका सचिव रमेश मिश्राले गर्नुभएको थियो। कार्यक्रममा कृष्ण सापकोटा पशुपति प्रसाद गुप्ता, चन्द्रशेखर श्रेष्ठ गुन्जन गुप्ता, बासुदेव प्रसाद कसौधन, आजाद अहमद दर्जी, फूलचन्द्र गुप्त, प्रताप गिरी, कृष्ण सापकोटा लगायत संघका पदाधिकारी तथा सदस्यहरूको उपस्थिती रहेको थियो।
