साझा न्यूज संवाददाता, कपिलवस्तु । युवा समाजसेवी तथा राजनितिकर्मी ध्यानेन्द्रमणि त्रिपाठीलाई मातृशोक परेको छ । युवा नेता त्रिपाठीकी ८२ वर्षीय आमा सुमित्रा त्रिपाठीको तौलिहवा स्थित कपिलवस्तु अस्पतालमा उपचारको क्रममा मृत्यु भएको हो ।
मृतक स्वर्गीय त्रिपाठीको पार्थिव शरीरलाई वाणगंगा नदीको स्थानीय रामघाटमा अन्तिम दाह संस्कार सम्पन्न गरिएको छ ।
मृतक आमा त्रिपाठीको शवलाई अन्तिम श्रद्धान्जली प्रकट गर्न लुम्विनी प्रदेश सभाका सदस्य सुधाकर पाण्डेय, पुर्व मन्त्री बृजेश कुमार, गुप्ता, पुर्व मन्त्री दान बहादुर चाैधरी, पुर्व मन्त्री तथा नेपाली कांग्रेस लुम्विनी प्रदेशका महामन्त्री सुरेन्द्र राज आचार्य, नेपाली कांग्रेस कपिलवस्तुका जिल्ला सभापति अब्दुल कलाम मुसलमान, कांग्रेस नेता अतहर कमाल, आशीष शर्मा, नेकपा एमालेका जिल्ला अध्यक्ष बाबुराम खनाल, राष्ट्यि सभाका पुर्व सांसद दिर्घनारायण पाण्डेय, मधेशवादी नेताहरु रविदत्त मिश्रा, ओमकारनाथ शुक्ला, डा.कालीपद शर्मा जोनसोन लगायतका नेताहरु त्रिपाठी निवास र दाह संस्कार स्थल वाणगंगा नदीको रामघाट पुगेका थिए ।
मृत आत्माको चीर शान्तिको कामना गर्दै कालिका स्वावलम्वन सामाजिक केन्द्र लगायत विभिन्न संघ संस्थाले मृतक परिवारजन प्रति शोक समवेदना प्रकट गरेका छन् । मृतक त्रिपाठीका ५ जना छोरा र १ छोरी छन् ।
युवा नेता त्रिपाठी नेपाली कांग्रेस कपिलवस्तुका पुर्व जिल्ला कोषाध्यक्ष हुन् । उनले आफुले नेपाली कांग्रेसको जिल्ला कोषाध्यक्ष पदबाट केही महिना अघि नै राजीनामा दिई सकेर हाल आफु स्वतन्त्र अवस्थामा रहेको बताएका छन् ।
युवा नेता त्रिपाठी हाल कालिका स्वावलम्वन सामाजिक केन्द्र कपिलवस्तुमा वित्त प्रवन्धक पदमा कार्यरत छन् ।
