कपिलवस्तु २ माघ । प्रतिनिधि सभाको निर्वाचनका लागि कपिलवस्तु जिल्ला सदरमुकाम ताैलिहवमा मुख्य निर्वाचन अधिकृतको कार्यालय स्थापना गरिएकाे छ । जिल्ला समन्वय समितिकाे कार्यालय परिसरमा मुख्य निर्वाचन अधिकृत रमेश शर्मा पाैडेलले कार्यालयको उद्घाटन गरेका हुन् ।
मुख्य निर्वाचन अधिकृतकाे कार्यालय संगै क्षेत्र नम्वर २ काे निर्वाचन अधिकृतकाे कार्यालय स्थापना गरिएकाे छ । यसै गरि वाणगंगा नगरपालिकाकाे कार्यालय परिसरमा क्षेत्र नं १ काे निर्वाचन अधिकृतकाे कार्यालय स्थापना गरिएकाे जिल्ला निर्वाचन अधिकृत कमल भुषालले बताए । निर्वाचन अधिकृत भुषालका अनुसार चन्द्राैटा स्थित वडा प्रहरी कार्यालयकाे किनारमा रहेकाे दुर्गा मन्दिर परिसरमा क्षेत्र नं ३ काे कार्यालय स्थापना गरिएकाे छ ।
