कपिलवस्तु । नेपालमा दक्ष तथा अनुभवी प्राविधिक र सेवाग्राहीबीचको दूरी घटाउने उद्देश्यका साथ ‘Pathayo Nepal’ नामक आधुनिक डिजिटल प्लेटफर्म सञ्चालनमा आएको छ। देशमा प्राविधिकको अभाव नभए पनि सही समयमा सही व्यक्तिसँग सम्पर्क नहुनु मुख्य समस्या रहँदै आएको अवस्थामा यो प्लेटफर्म प्रभावकारी समाधानका रूपमा अघि आएको हो।
हालको अवस्थामा साना, छोटो समयमै सम्पन्न गर्नुपर्ने वा आकस्मिक प्रकृतिका कामका लागि विश्वासयोग्य प्राविधिक भेट्टाउन सेवाग्राहीलाई कठिनाइ हुँदै आएको छ। अर्कोतर्फ, आवश्यक सीप र अनुभव हुँदाहुँदै पनि धेरै प्राविधिकहरू नियमित रोजगारीबाट वञ्चित छन्।
यस्तो अवस्थालाई मध्यनजर गर्दै सुरु गरिएको Pathayo Nepal मा दर्ता गर्दा दुवै पक्षलाई फाइदा पुग्ने विश्वास गरिएको छ। यस प्लेटफर्ममार्फत सेवाग्राहीले आवश्यक कामका लागि सहजै उपयुक्त प्राविधिक खोज्न सक्नेछन् भने प्राविधिकहरूले आफ्नो सीप र अनुभवअनुसार काम पाउने अवसर प्राप्त गर्नेछन्।
Pathayo Nepal ले प्रत्यक्ष सम्पर्क, पारदर्शिता र आपसी विश्वासको वातावरण निर्माण गर्ने लक्ष्य लिएको छ। साना मर्मतसम्भारदेखि ठूला प्राविधिक कामसम्मका सेवाहरू एउटै प्लेटफर्मबाट उपलब्ध हुने व्यवस्था मिलाइएको जनाइएको छ।
यस प्लेटफर्मको प्रयोगले नेपालमा सेवा प्रवाहलाई छिटो, सरल र भरपर्दो बनाउनुका साथै रोजगारी सिर्जनामा पनि महत्वपूर्ण योगदान पुग्ने अपेक्षा गरिएको छ।
