कपिलवस्तु। वाणगंगा नगरपालिका ९ देउराली चोक नजिक रहेको दुदुरा घोलामा डुबेर एक बालकको मृत्यु भएको छ। माछा मार्न बल्छी खेल्न गएका वाणगंगा नगरपालिका ९ निवासी ११ वर्षीय सुजित रानाको घोलामा डुबेर मृत्यु भएको जिल्ला प्रहरी कार्यालय कपिलवस्तुले जनाएको छ।
प्रहरीका अनुसार बालक बल्छी खेल्न घोलामा पुगेका थिए। सोही क्रममा उनी पानीमा डुबेका थिए। घटनाको जानकारी पाएपछि प्रहरी टोली घटनास्थलमा पुगेर आवश्यक उद्धार तथा कानुनी प्रक्रिया अघि बढाएको जनाएको छ।
जिल्ला प्रहरी कार्यालय कपिलवस्तुका प्रहरी उपरीक्षक मनोहरप्रसाद भट्टका अनुसार बालक बल्छी खेल्ने क्रममा घोलामा डुबेको प्रारम्भिक जानकारी प्राप्त भएको छ। उहाँले घटनाबारे थप अनुसन्धान भइरहेको बताउनुभयो।
