कपिलवस्तु, १० भाद्र । सशस्त्र प्रहरी बल, नेपाल सीमा सुरक्षा गुल्म हे.क्वा. कृष्णनगरबाट खटिएको टोलीले भारतबाट अवैध रूपमा नेपालतर्फ ल्याउँदै गरेको ठूलो परिमाणको औषधि बरामद गरेको छ।
शशस्त्र प्रहरीकाे टोलीले चेकजाँचका क्रममा रु. १० लाख ८४ हजार ८ सय बराबरका विभिन्न नामका औषधि बरामद गरेको हो।
बरामद गरिएका औषधिहरू आवश्यक कारबाहीका लागि कृष्णनगर भन्सार कार्यालयमा बुझाइएको सशस्त्र प्रहरी उपरीक्षक गाेपाल अधिकारीले बताए।
