नारद कोहार
कपिलबस्तु, जेठ २८
जिल्लाको यशोधरा गाँउपालिकाको बैदौली स्वास्थ्य चौकीमा संचालित कोरोना अस्पताललाई ६ थान अक्सिजन सिलिण्डर प्रदान गरिएको छ । यू एम एन को आर्थिक सहयोग र दलित सामाजिक विकास केन्द्राद्धारा सञ्चालित सेकोएर परियोजना अन्र्तगत उक्त अक्सिजन सिलिण्डर यशोधरा गाँउपालिकाका अध्यक्ष गिरिजेश कुमार पाण्डेलाई हस्तन्तरण गरिएको हो ।
बैदौली स्वास्थ्य चौकीमा सञ्चालन गरेको कोरोना अस्पतालमा कोरोना सङ्क्रमित व्यक्तिलाई अक्जिजनको समस्य नहोस भनि सो सिलिण्डर उपलब्ध गराइएको दलित समाजिक विकास केन्द्रका अध्यक्ष राम शरण रैदासले बताए ।
कोरोना सङ्क्रमितलाई अक्सिजन आवश्यक पर्ने भएकाले सामाजिक दायित्वअन्तर्गत सिलिण्डर उपलब्ध गराइएको यू एम एनका टिम लिडर रुप कुमार विकले बताए ।
अक्सिजन हस्तन्तरण कार्यक्रममा बैदौली स्वास्थ्य चौकीका मेडिकल अफिसर डा. नसिम अख्तर, यशोधरा गाँउपालिकाका स्वास्थ्य शाखा प्रमुख विरेन्द्र मीश्रा, साझा प्रयास अभियानका दिनेश हमाल लगायतको सहभागिता रहेको थियो ।
कोरोना अस्पताललाई अक्सिजन सिलिण्डर
