टोकियो/ जापान । टोकियो ओलम्पिक २०२० मा १०० मिटर स्विमिङ तर्फ नेपालका एलेक्जेन्डर शाहलाई पहिलो चरणमा सफलता मिलेको छ । यो राउन्डको लागि उनको उत्कृष्ट प्रदर्शन रहेता पनि उनि सेमिफ़ाइनल खेल्नबाट भने बञ्चित भएका छन् ।
एलेक्जेण्डर शाहले टोकियो ओलम्पिक २०२० मा राष्ट्रिय कीर्तिमान बनाएका छन् ।उनले पौडीमा पुरुष १०० मिटर फ्री स्टाइलमा एक सय मिटरको दूरी ५३.४१ सेकेण्डमा पुरा गरे । यसअघि तेह्रौ दक्षिण एशियाली खेलकूदमा उनले ५४.१३ सेकेण्डमा उक्त दूरी पार गरेका थिए । टोकियो ओलम्पिकको पहिलो हिटमा एलेक्जेण्डर प्रथम भएका हुन्। बाँकीको आठ हिटमा एलेक्जेण्डर अन्तिम आठमा समेत परेनन् । अन्तमा उनले ५९ औं स्थानमा चित्त बुझाए ।
