टोकियो/जापान । जारी टोकियो ओलम्पिक २०२० मा नेपाली खेलाडी तथा खेलकुद प्रेमीहरुको लागि आजसम्म खासै उत्साजनक रहन सकेन । यस पटक एथलेटिक्स खेलाडी सरस्वती चौधरी, जुडो खेलाडी सोनिया भट्ट, सुटिङ खेलकी कल्पना परियार, पौडीका एलेक्जेन्डर शाह र गौरिका सिंह सहित ५ जना खेलाडीहरुले ओलम्पिकमा सहभागी हुने अवसर पाएका थिए ।
यि ५ जना मध्ये ३ जना खेलको पहिलो चरणबाटै बाहिरिसकेका छन् । यस अघि बाहिरिएकाहरुमा जुडो कि सोनियाँ भट्ट,सुटिङकि कल्पना परियार र पौडिका एलेक्जेन्डर शाह रहेका छन् । अब बाँकी रहेका २ जना मध्ये २ जना पदकको आशा गरिएको खेलाडी हुन् । यस मध्ये पौडीकी गौरिका सिंह आज ( २८ जुलाई, बुधबार) प्रतियोगितामा सहभागी हुँदैछिन भने दौडकी सरस्वतीको आगमी ३० तारिख खेल हुनेछ ।
टोकियो ओलम्पिक २०२० मा सहभागी हुने महत्वपूर्ण अवसर प्राप्त गरेको भएता पनि हालसम्मका खेलाडीहरुले खासै ठूलो छलाङ् मार्न सकेनन् । त्यसो त यसमा खेलाडीहरुको तयारीका लागि निर्माण भएका पूर्वाधारहरु, छुट्टयाईएका बजेट र सरकारी प्राथमिकता आदि समग्र तत्वहरुको भूमिका रहेकोमा कुनै २ मत छैन । खेलमा हारजित स्वभाविक पनि हो । भलै हालसम्म नेपालले कुनै पदक नजितेता पनि ति खेलाडीहरुले देशको नाम भने विश्वका खेलाडीहरु समक्ष सुनाउने/चिनाउने महत्वपूर्ण भूमिका खेलेका छन् ।
आज पौडिको प्रतियोगितामा सहभागी हुँदै गरेकि गौरिका पदको सबैभन्दा बढि आशा गरिएको खेलाडी हुन् । हेरौँ उनको आजको प्रदर्शन कस्तो रहन्छ ।
