काठमाडौँ। नेपाली कांग्रेसको क्रियाशील सदस्यता विवाद समाधान गर्ने जिम्मा पाएका शीर्ष तीन नेताहरु छलफलमा जुटेका छन् । प्रधानमन्त्री एवम् पार्टी सभापति शेरबहादुर देउवाको निजी निवास बुढानीलकण्ठमा सभापति देउवा, वरिष्ठ नेता रामचन्द्र पौडेल र पूर्वमहामन्त्री कृष्णप्रसाद सिटौला छलफलमा जुटेका हुन् ।
यसअघि बसेको कांग्रेस पदाधिकारी र पूर्वपदाधिकारी बैठकले पाँच दिनभित्र क्रियाशील सदस्यता विवाद हल गर्ने निर्णय गरेको थियो । सदस्यता छानविन समितिले उक्त वैठकमा आफ्नो प्रतिवेदन बुझाएको थियो ।
