प्रियंका गुप्ता । साझा न्यूज
कपिलवस्तु । नेपाली कांग्रेसको आसन्न १४ औं महाअधिवेशनमा जिल्ला सभापति पदलाई सर्व सम्मत ढंगबाट चयन गर्न जिल्लाका सवै नेताहरु समक्ष महासमिति सदस्य दिपेन्द्र नाथ शुक्लाले आग्रह गरेका छन् । कांग्रेस नेतृत्वलाई सवैले सर्व सम्मत ढंगबाट चयन गर्न सके पार्टी भित्र मनमुटाव र आन्तरिक द्वन्दको अन्त्य भई आउंदै गरेको ३ तहकै निर्वाचनमा नेपाली कांग्रेसका उम्मेदवारहरु अत्याधिक मतले विजयी हुने महासमिति सदस्य शुक्लाले बताए ।
नेपाली कांग्रेसका जिल्ला अधिवेशनको बारेमा साझा न्यूज संग कुरा गर्दै सर्वसम्मत नेतृत्व चयनका लागि जिल्लाका हरेक पालिकाबाट समेत आवाज आई रहेको उनले बताए । यसको परिणामा हामी आउंदै गरेको ३ तहको निर्वाचनमा पाउंछौं, महासमिति शुक्लाले भने, “हामी आपसमै फुटेर लड्दै गर्यौं भने त्यसको फाईदा विपक्षी दललाई हुन्छ ।” त्यसकारण पनि हामी एक हुन जरुरी छ ।
नेपाली कांग्रेसमा समायोजन प्रक्रियाबाट लोकतान्त्रिक फोरमबाट कांग्रेस प्रवेश गरेका नेता शुक्ला कांग्रेस नेता विजय गच्छदारका विशेष निकट मानिन्छन् । कांग्रेस प्रवेश गर्नु अघि उनी फोरम लोकतान्त्रिको केन्द्रिय सदस्य थिए । नेता शुक्लाले यस पटकको कांग्रेस अधिवेशनमा महाअधिवेशन प्रतिनिधीका लागि आफ्नो दाबेदारी रहेको बताए । आफु जनताको विचको नेता रहेको र सधै जनताको दुख दुखमा साथ रहदै आएको उनले बताए ।
समायोजन प्रक्रियाबाट नेपाली कांग्रेसमा प्रवेश संगै जिल्लाभर फोरम लोकतान्त्रि गच्छेदार समूहको तर्फबाट ३ सय २५ जना क्रियाशील सदस्य कांग्रेसमा छन् । जिल्लाका १० वटै स्थानीय तहबाट आफ्नो समुहको तर्फबाट ५५ जना क्षेत्रीय प्रतिनिधीहरु चयन भएको नेता शुक्लाले बताए ।
