कांग्रेस कपिलवस्तु नगरपालिका नगर कार्य समितिको प्रमाण पत्र बितरण

कपिलवस्तु २१ असोज
नेपाली कांग्रेस कपिलवस्तु नगर कार्य समितिको नव निर्वाचित पदाधिकारी र सदस्यहरुको प्रमाण पत्र बितरण कार्यक्रम संपन्न गरिएको छ । तौलिहवा स्थित पार्टी कार्यालयमा आयोजित कार्यक्रममा कांग्रेसका बैकल्पीक केन्द्रिय सदस्य राजेश सिंहले नगर अध्यक्ष खुर्सेद अहमद खा सहीतको कार्य समितिका पदाधिकारी र सदस्यहरुलाई प्रमाण पत्र प्रदान गरेका थिए ।
उनले आसन्न १४ औ महाधिबेशनकोक्रममा भएको सहभागीताले कांग्रेस जनतामा लोकप्रीय रहेको देखिएको बताए । उनले पार्टीका निर्वाचनकोक्रममा आन्तरिक प्रतिस्पर्धालाई हारजितकारुपमा नलिई यसलाई सहज प्रकृयाकारुपमा लिनु पर्ने बताए । उनले कांग्रेस देश कै सबै भन्दा ठुलो पार्टी भएकाले पार्टीका कार्यकर्ताले पार्टीलाई मजबुत बनाई जनताको मन जित्ने काम गर्नु पर्ने बताए ।
सो अवसरमा पार्टी जिल्ला सभापति सुरेन्द्रराज आचार्यले अहिले कांग्रेस पार्टी भित्र भएको निर्वाचनले पार्टीै संगठन मजुबत भएको दाबी गरे । उनले यस पटक कपिलवस्तुमा आउने चैतमा हुने स्थानीय तहको निर्वाचनमा कांग्रेसका उम्मेदवारलाई जिताएर जिल्लामा एक नम्बरको पार्टी बनाउनु पर्ने बताए । ‘ कपिलवस्तुमा पालिका स्तरीय निर्वाचन संपन्न भई सकेको छ , क्षेत्र र जिल्ला निर्वाचनमा सहमतिकोलागि अधिकतमा प्रयास गर्नेछ् ’ उनले भने ।
उनले कांग्रेस कार्यकर्ता र नेताहरुले गुटबन्दी अन्त्य गरी पार्टीलाई मजबुत बनाउने अभियानमा लाग्नु पर्ने बताए । कार्यक्रममा नगर अध्यक्ष खुस्रेद अहमद खाले कपिलवस्तु नगरपालिमा कांग्रेलाई मजुबद बनाउन आफुले अभियान संचालन गर्ने र आगामी स्थानीय तहको निर्वाचनमा कांग्रेसलाई जिताउने बताए ।
नगर अध्यक्ष खाको अध्यक्षता र सचिव नगेन्द्र यादवको संचालनमा भएको कार्यक्रममा पार्टीका पुर्व सभापति राजेश अचार्य, सुधाकर पाण्डेय, नेता लोकनाथ शर्मा, उपाध्यक्ष रामआषिप पायडेय लागतयले शुभकामना मन्तब्य दिएका थिए ।