काठमाडौं ।देशभर पछिल्लो २४ घण्टामा थप ५१३ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ४ हजार ९ सय ७२ जनाको आरटी–पीसीआर विधिबाट परीक्षण गर्दा ४ सय ३८ जना र १ हजार ९ सय ५९ जनाको एन्टिजेन विधिबाट परीक्षण गर्दा ७५ जनामा गरी जम्मा ५१३ जनामा कोरोना संक्रमण पुष्टि भएको हो । योसँगै नेपालमा कोरोना भाइरस संक्रमितको कुल संख्या ९ लाख २ हजार ५ सय १४ पुगेको छ ।
यस्तै पछिल्लो २४ घण्टामा देशभर ८ सय १७ जना निको भएर घर फर्किएका छन् । योसंगै नेपालमा कोरोना संक्रमणमुक्त हुनेहरुको संख्या ७ लाख ८६ हजार ६ सय ३० पुगेको छ ।
यसैगरी पछिल्लो २४ घण्टामा थप ८ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ११ हजार ३३७ पुगेको छ ।
