नेपालमा बुधबार ४१२ जना कोरोना भाइरस (कोभिड-१९)का संक्रमित थपिएका छन् । स्वास्थ्य तथा जनसंख्या मन्त्रालयले जनाएअनुसार पीसीआर विधिबाट भएको परीक्षणमा ३६३ र एन्टीजेन विधिबाट भएको परीक्षणमा ४९ जनामा कोरोना पुष्टि भएको हो ।
पछिल्लो २४ घण्टामा काठमाडौं उपत्यकामा थप १४९ जनामा कोरोना संक्रमण पुष्टि भएको छ । काठमाडौंमा १०२, भक्तपुरमा १५ र ललितपुरमा ३२ जना कोरोना संक्रमित थपिएका हुन्।
यस्तै, आज २०२ जना संक्रमित निको भएर घर फर्किएका मन्त्रालयले जनाएको छ ।
मन्त्रालयले आज एक जनाको मृत्यु भएको जनाएको छ । यससँगै हालसम्म देशभर कोरोनाबाट मृत्यु हुनेको संख्या ११ हजार ४ सय ८३ पुगेको छ । देशभरी आज ७ हजार ६३६ सक्रिय संक्रमित रहेका छन् ।
