काठमाडौं । प्रधानमन्त्री शेरबहादुर देउवाले भोलीका दिनमा जनताले दुःख र कष्ट नपाउन् भनेर राजनीतिक दलले सचेत हुनुपर्ने बताएका छन् ।
चितवनमा आज आयोजित एमालेको १०औँ महाधिवेशनको उद्घाटन सत्रमा बोल्दै प्रधानमन्त्री देउवाले हिजोका दिनहरुमा आफुहरुले धेरै जेलनेल, दुःख कष्टहरु भोगेका कारण अब भोलिका दिनमा जनताले यस्तो दुःख नपाउन् भनेर सचेत हुँदै काम गर्नुपर्ने बताए ।
नेकपा एमालेका अध्यक्ष केपी शर्मा ओलीसँग हिजोका दिनमा आफु पनि सँगै जेल भोगेको पनि देउवाले स्मरण गराए । ‘एमालेका अध्यक्ष ओली जी, वामपन्थी साथीहरु लगायत म पनि सँगै जेल बसेका हौँ । यी सब कुराहरु हामिले भोग्या हुन् ।’ उनले भने, ‘हिजोका दिनमा भोगेका दुःखहरुलाई ध्यान राखेर भोलीका दिनमा कुनै पनि नेपालीलाई दुःख नपरोस्, यस्तो किसिमको परिस्थिती नआओस् भनेर हामी सचेत हुनुपर्छ’ उनले भने ।
देउवाले यही मुल्य र मान्यतालाई संस्थागत गराउन आफु र आफु नेतृत्वको सरकार कटिबद्ध रहेको बताए । एमाले महाधिवेशनको सफलताको शुभकामना दिँदै देउवाले दलहरुबीचको देखिने मनमुटावलाई निरन्तर संवाद र वार्तामार्फत अन्त्य गर्नुपर्ने बताए । कोरोनाभाइरस संक्रमण नियन्त्रणका लागि खोपलाई प्राथमिकता दिएको भन्दै देउवो सबै दलहरूलाई मिलाएर लैजाने आफ्नो पार्टी र सरकारको रणनीति रहेको पनि बताए ।
यस्तै देउवाले स्वार्थका कारण विभिन्न दलहरु विभाजन भएको बताएका छन् । देउवाले नेपालका राजनीतिक दलहरु स्वार्थमा विभाजित भएको बताए । उनले विद्यमान विमतिलाई संविधानमार्फत निर्धारित विधिबाट टुङ्ग्याउने यात्रामा प्रतिबद्ध हुन आह्वान नेकपा एमालेलाई आह्वान गरे । प्रधानमन्त्री देउवाले सबै मिलेर संविधानसभाबाट जारी नयाँ संविधानलाई संस्थागत गर्दै बलियो बनाउने जिम्मेवारी सबै राजनीतिक दलको भएकाले संवाद मार्फत विभिन्न समस्या समाधान गर्नु पर्ने बताए ।
प्रधानमन्त्री देउवाले एमाले अध्यक्ष केपी शर्मा ओली र कतिपय एमालेका नेताहरूसँगै आफूले जेल जीवन बिताएको स्मरण समेत गरे । हिजो आफूहरूले भोगेका दुःखलाई ध्यानमा राख्दै भोलिका दिनमा त्यस्ता दुःख कसैले भोग्नु नपरोस् भन्नेमा ध्यान दिन जरुरी रहेको प्रधानमन्त्री देउवाको भनाई छ ।
लोकतान्त्रिक संसदीय पद्धतिको मर्मअनुसार महाधिवेशन आयोजना गर्न लागेको भन्दै प्रधानमन्त्री देउवाले एमाले नेतृत्वलाई बधाई तथा शुभकामना दिए । उनले देश र जनतालाई केन्द्रमा राखेर संसद्मा प्रतिनिधित्व गर्ने र संसद् बाहिर रहेका दलहरूसँग साझा धारणा बनाउँदै अघि बढ्न आफू प्रतिबद्ध रहेको समेत बताए ।
