सोमबार थप २६५ जनामा संक्रमण पुष्टि, दुई जनाको मृत्यु

नेपालमा सोमबार थप २६५ जनामा कोरोना भाइरस संक्रमण पुष्टि भएको छ । पछिल्लो २४ घण्टामा काठमाडौं उपत्यकामा ११२ जना कोरोना संक्रमित थपिएका छन् । काठमाडौंमा ७९, भक्तपुरमा १० र ललितपुरमा २३ जना संक्रमित थपिएका हुन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा दुई जना संक्रमितको मृत्यु भएको छ । यससँगै हालसम्म देशभर कोरोनाबाट मृत्यु हुनेको संख्या ११ हजार ५ सय ४३ पुगेको छ । सोमबार ३५७ जना कोरोना संक्रमणमुक्त भएका छन् । हाल देशभर ६ हजार ३८६ सक्रिय संक्रमित रहेका छन् ।