नेकपा (एमाले)ले १० औं महाधिवेशनबाट निर्वाचित केन्द्रीय कमिटीको दोस्रो बैठक बोलाएको छ।
मङ्सिर २५ र २६ गते भक्तपुरको गठ्ठाघरस्थित जर्मन हाउस हस्पिटालिटीमा बिहान ११ बजेका लागि बैठक बोलाएको पार्टी केन्द्रीय कार्यालय सचिव शेरबहादुर तामाङले बताए। बैठकमा विभिन्न १५ एजेण्डा तय गरिएको उनले बताए ।
बैठकको कार्यसूचीमा बाँकी रहेका केन्द्रीय सदस्यको शपथ ग्रहण, महाधिवेशनको समीक्षा, केन्द्रीय सदस्यको मनोनयन, पोलिटब्यूरो र स्थायी कमिटी गठन, केन्द्रीय सल्लाहकार परिषद् गठन र नेताहरुको कार्यविभाजन लगायत रहेका छन्।
निर्वाचित केन्द्रीय कमिटीकाे पहिलो बैठक भने महाधिवेशनस्थल चितवनमै बसेको थियो ।
